ரத்த சரித்திராவுக்கு பிரச்சனை அப்படியென்றால் ராவணாவுக்கு வேறு மாதிரி! சீதா பிராட்டிய நாங்க தெய்வமா கும்புடுறோம்.
ஆனா அவங்க ராவணன் கூட டூயட் பாடுற மாதிரி சீன் வச்சா எப்படிய்யா பொருத்துக்க முடியும்னு காவி கொடியை தூக்கி கலவரம் பண்ண கிளம்பிருச்சு ஒரு அமைப்பு. எலக்ஷன் நேரத்தில முளைக்கிற லெட்டர் பேட் கட்சின்னா விட்டுடலாம். இது வட மாநிலத்தில் கொஞ்சம் ஸ்டிராங்காகவே இருக்கிற இந்து ஜனசாக்ரன் சமீதி என்ற அமைப்பாம்!
இந்த அமைப்பின் சார்பில் சமீபத்தில் சென்சார் போர்டுக்கு ஒரு கடிதம் போயிருக்கிறது. அதில் குறிப்பிட்டுள்ள வார்த்தைகள்தான் மேலே நீங்கள் படித்தது. இராமயணத்தை அடிப்படையாக வைத்து எடுக்கப்படுகிற படம் என்றுதான் இந்த படத்தை பற்றிய தகவல்கள் வெளிவருகிறது. அப்படியிருக்கும் போது சீதா தேவி பாத்திரத்தில் நடிக்கும் ஐஸ்வர்யாராயுக்கும் ராவணன் கேரக்டருக்கும் இடையே காதல் துளிர்ப்பதாக காட்சிகளை வைத்திருப்பது நியாயமா என்கிறது இந்த அமைப்பு. எனவே இப்படத்திற்கு வழங்கப்பட்ட தணிக்கை சான்றிதழை உடனே திரும்ப பெற வேண்டும் என்று சென்சார் அமைப்பை வலியுறுத்துகிறதாம் அக்கடிதம்.
இல்லைன்னா…? படம் ரிலீஸ் ஆன தியேட்டர்ல காவிக் கொடியுடன் போராடுவோம் என்று எச்சரித்திருக்கிறார்களாம். சிவனே…ன்னு கிடந்தாதான் சாமியாரு. மவனே…ன்னு பல்லை கடிச்சா?
ராகவேந்திரா கல்யாணமண்டபத்தில் தனது ரசிகர்கள் மத்தியில் பேசிய ரஜினி, கர்நாடகாவை கடுமையாக விமர்சித்து பேசியது பாராட்டுக்குரியதுதானே?இதற்கு முன்பு தமிழர்களுக்கு எதிராக வன்முறை செய்த கன்னடர்களை விமர்சிக்காமல் இருந்ததற்குக் காரணம், கர்நாடகாவில் இவர் படம் ஓட வேண்டும் என்பதுதற்காகத்தான். ஒக்கேனக்கல் பிரச்சினையின் போது, நிர்பந்தத்தின் காரணமாக, மேடையில் சத்யராஜ் போன்றவர்களின் மிக நேரடியான குற்றச்சாட்டின் நெருக்கடியின் காரணமாக கன்னடர்களை ரஜினி திட்டிப் பேசினார்.
அதன் விளைவாக ‘குசேலன்’ பட வெளியிட்டின் போது கன்னடர்கள் எதிர்ப்பு தெரிவித்ததால், கன்னடர்களை திருப்தி படுத்துவதற்காக மன்னிப்பும் கேட்டார். அந்த மன்னிப்பின் மறுபக்கம், தமிழகத்தில் ரஜினி ரசிகர்கள் கணிசமான பிரிவினர் ‘அவனா நீ?’ என்று குசேலன் படத்தை புறக்கணித்தனர். (பி. வாசுவும் படத்தில் தன் பங்களிப்பை கணிசமாக செய்திருந்தார்.)
அரசனை நம்பி புருஷனை கைவிட்ட கதையாக போய்விடுமோ என்ற பயத்தில்தான் ரஜினியின் இந்த கன்னட எதிர்ப்பு வீர வசனமும். ஈழத் தமிழர்கள் மீதான சென்டிமென்ட்டும்.
இதே காரணங்களுக்காகத்தான் நமது ‘உலக நாயகன்’ (என்ன கொடுமை சார் இது?) கமல்ஹாசன், தமிழர் பிரச்சினைகளுக்காக எந்த மேடையில் ஏறி பேசினாலும், பட்டும் படாமலும் ரொம்ப உஷாராக, ஒரு அத்துவைதியை போல் பேசுகிறார். (அய்யங்கார இருந்துக் கிட்டு அத்துவைதைத்தை ஆதரிக்கிறாரு, என்ன பெருதன்மை!)
‘தமிழன் என்கிற குறுகிய எண்ணத்தோடு….’ என்று கமல் பேசியதற்கு அர்த்தம், உண்மையிலேயே அவர் தன்னை உலக நாயகன் என்று நினைத்துக் கொண்டு பேசினார் என்று அர்த்தமாகாது.‘அது சும்மா தமாசு’ என்பது அவருக்கே தெரியும். வேறு மொழிகளிலும், பிற மாநிலங்களிலும் அவருடைய படங்கள் டப்பிங் செய்யப்படுகிறது, நேரடியாக வெளியாகிறது என்பதுதான் அதற்கு அர்த்தம்.
கமலின் முந்தைய சாமார்த்தியமான அந்தப் பேச்சினால்தான் கர்நாடகத்தில், ‘குசேலனுக்கு’ வந்த எதிர்ப்பு ‘தசாவதாரம்’ என்கிற அய்யங்கார் அரசியல் படத்துக்கு வரவில்லை. (அய்யங்கார் மேன்மையை வலியுறுத்தியதால்தான் அந்தப் படத்தின் மீது அய்யர்களுக்குக்கூட கோபம். சில அய்யர்கள் பார்ப்பன எதிர்ப்பாளர்கள் போன்ற போர்வையில் அந்தப் படத்தை கடுமையாக எதிர்த்தார்கள்.)
ஆக, ரஜினி - கமல் இருவருக்கும் கன்னடர், தமிழர் என்கிற இன உணர்வெல்லாம் கிடையாது. அவர்களிடம் ‘பண உணர்வு’ மட்டும்தான் இருக்கிறது.
குறிப்புஅதேபோல், ‘தமிழன் என்பது குறுகிய எண்ணம், அய்யங்கார் என்பது பரந்த எண்ணமா?’ என்று கேள்வி கேட்காதீர்கள்.
நேற்றிரவு சுமார் 7 மணியிருக்கும். நடிகர் சங்க வளாகத்தில் விருட்டென்று வந்து நின்றது விஜய்யின் கார். உள்ளேயிருந்து இறங்கியது சாட்சாத் அவரேதான்! அடுத்தடுத்த சில நிமிடங்களில் துவங்கியது அந்த காரசாரமான விவாதம். நடிகர் சங்க தலைவர் சரத்குமார், செயலாளர் ராதாரவி ஏற்பாட்டில் திரையரங்க உரிமையாளர் சங்க தலைவர் பன்னீர் செல்வத்துடன் பேச்சுவார்த்தை நடத்தினார் விஜய். கூடவே அவரது அப்பா எஸ்.ஏ.சந்திரசேகரும், சுறா பட தயாரிப்பாளர் சங்கிலி முருகனும் இருந்தார்கள்.பொதுவாக இதுபோன்ற சிக்கலான பிரச்சனைகளை அப்பா முடிவுக்கு விட்டுவிட்டு ஹாயாக படத்தில் நடிக்கப் போய்விடும் விஜய், நேரடியாக பேச்சு வார்த்தையில் கலந்து கொண்டது இதுவே முதல் முறை என்கிறார்கள் சிலர். ‘விஜய்க்கு ஒரு பிரச்சனைன்னா அதை பார்த்துகிட்டு சும்மாயிருக்க முடியாது. என்ன பிரச்சனை? சொல்லுங்க. அவரையே வரச்சொல்லி பேசுவோம்’ என்றாராம் சரத்குமார். இதையடுத்துதான் இந்த சந்திப்பு. ‘நான் என்ன செய்யணும் சொல்லுங்க’ என்று கேட்ட விஜய், திரையரங்க உரிமையாளர் சங்கம் சார்பாக பன்னீர்செல்வம் சொன்ன சில கருத்துகளை மறுத்தும், ஆமோதித்தும் பேசிக் கொண்டிருந்தாராம். ஆனால் பேச்சு வார்த்தையில் முன்னேற்றத்தின் அளவு நினைத்த மாதிரி இல்லை என்றதும் பன்னீர் செல்வமும் அவருடன் சென்றிருந்த மற்றொரு நிர்வாகி ஸ்ரீதரும் அங்கிருந்து வெளிநடப்பு செய்ததாக கூறப்படுகிறது.
பிறகு தனது முடிவிலிருந்து சற்று இறங்கி வந்த விஜய், மீண்டும் அவர்களை அழைத்து பேசினாராம். இருதரப்பும் ஒரு புதிய முடிவை எட்டியிருப்பதாக கூறுகிறார்கள். அது என்ன என்பது இன்னும் இரண்டொரு நாளில் தெரிய வரலாம்.
வழக்கம் போல் கலைஞர் பேசியுள்ளார் டென்ஷன் ஆகாதீங்க :-)
எல்லா டி.வி.யும் எனது டி.வி.தான் என்று முதல்வர் கருணாநிதி தெரிவித்தார். சென்னையில் திங்கள்கிழமை நடைபெற்ற விழாவில் ராஜ் டி.வி.யின் 24 மணிநேர செய்தி சேனலைத் தொடங்கி வைத்து அவர் பேசியது...
எனது பெயரிலேயே ஒரு டி.வி. சேனல் இருக்கும்போது மற்றொரு டி.வி. சேனலுக்கு விளம்பரம் தருகிறாரே என்று சிலர் கருதலாம். எல்லா டி.வி.யும் எனது டி.வி.தான். எல்லா டி.வி.யும் நான் வளர்க்க வேண்டிய டி.வி.தான்.
ராஜ் டி.வி. வளர்ந்து அரசுக்கும் அதன் மூலம் பொதுமக்களுக்கும் நன்மை கிடைக்குமானால் அதனை நான் பாராட்டுவேன். போற்றுவேன். அதற்கு ஆக்கமும் ஊக்கமும் அளிப்பேன்.
எப்போதுமே விழாவுக்கு அழைப்பவர்கள் உண்மையும் பேச வேண்டும். உண்மைக்கு மாறானதையும் பேச வேண்டும். அதைத்தான் "பொய்மையும் வாய்மையிடத்து' என்று வள்ளுவர் கூறியிருக்கிறார். நல்லது நடக்கும் என்றால் பொய்கூட சொல்லலாம் என்ற வள்ளுவரின் வாக்கைப் பின்பற்றி பொத்தானை அழுத்தினால் மட்டும் போதும் என்று அழைத்து வந்துவிட்டு என்னைப் பேச வைத்து விட்டார்கள்.
தொலைக்காட்சிப் பெட்டிகளை மக்கள் பெரிதும் விரும்புகின்றனர். அதனால்தான் திமுக அரசு இலவச கலர் டி.வி.க்களை வழங்கி வருகிறது. இதனை மற்ற மாநிலங்களும் பின்பற்ற ஆரம்பித்து விட்டன
திருவள்ளுவர் ஆண்டு துவக்கம் தான் தமிழ் புத்தாண்டா ? அல்லது சித்திரை மாதம் துவக்கம் தான் தமிழ் புத்தாண்டா ? என்று சிலர் குழம்பி மற்றவர்களையும் குழப்பியுள்ளார்கள்.என்னுடைய கவிதை எழுதுவது எப்படி என்ற முந்தைய பதிவை படித்திருப்பீர்கள்.
இப்பொழுது சிறந்த கவிதை எழுதுவது எப்படி என்பதைப் பார்ப்போமா?
ஒரு காகிதத்தை எடுத்துக் கொள்ளுங்கள்.
ஒரு பேனாவையோ பென்சிலையோ எடுத்துக் கொள்ளுங்கள்.
இப்பொழுது காகிதத்தில் "ம" என்று எழுதுங்கள்.
"ம"விற்குப் பக்கத்தில் "ழ" என்று எழுதுங்கள்.
அதற்குப் பக்கத்தில் "லை" என்று எழுதுங்கள்.
"மழலை" என்று எழுதியிருக்கிறீர்களா?
இப்பொழுது சொல்லுங்கள், மழலை - அதாவது ஒரு குழந்தையை விட அழகான சிறந்த கவிதை இந்த உலகத்தில் இருக்கிறதா? இல்லவே இல்லை.
சிறந்த கவிதை எழுதுவது எவ்வளவு சுலபம் பார்த்தீர்களா?
பின்னர் வேறொரு பாடத்தில் சந்திப்போமா?
சூர்யா- ஜோதிகா திருமணம் கடந்த 2006-ல் நடந்தது. இவர்களுக்கு 2007 ஆகஸ்டு 10-ந்தேதி பெண் குழந்தை பிறந்தது. அக்குழந்தைக்கு “தியா” என பெயரிட்டனர்.
தற்போது மீண்டும் அவர் கர்ப்பமாக இருந்தார். நேற்று திடீர் பிரசவ வலி ஏற்பட்டது. உடனடியாக பூந்தமல்லி நெடுஞ்சாலையில் உள்ள அப்பல்லோ ஆஸ்பத்திரியில் அனுமதித்தனர். அங்கு இன்று அதிகாலை 4 மணிக்கு ஜோதிகாவுக்கு அழகான ஆண் குழந்தை பிறந்தது. அப்போது கணவர் சூர்யாவும், குடும்பத்தினரும் ஆஸ்பத்திரியில் இருந்தனர்.
